A. C. Os Muíños de Oliveira: Blog

Próximas actuacións

Wed, 27 Aug 2008 11:12:57 GMT

O GBMT "Os Muíños de Oliveira" parcipará unha vez máis na próxima edición do Festival Folklórico do Condado organizado polo Concello de Ponteareas.

Nesta ocasión a cita terá lugar a tarde do día 14 de setembro na Praza Maior de dito concello.

Esperámosvos.

XACARANDAINA EN MARÍA PITA

Wed, 27 Aug 2008 11:08:25 GMT

Novo éxito

Tue, 08 Jul 2008 08:56:26 GMT

Como xa dixeramos anteriormente, o pasado domingo 6 de xullo celebrábase o Concurso de Baile Tradicional da AX Xacarandaina, no que participaron, na categoría C, a canteira do GBMT da AC Os Muíños de Oliveira, interpretando unha Muiñeira de Carelle.

Tiveron un grupo de acompañamento de luxo: gaita, tambor, bombo, acordeón, pandeireta, botella...

Os rapaces fixérono moi ben, polo que gañaron o 3º PREMIO, e dende aquí dámoslle todos a nosa máis sinceira noraboa.

Seguide así, rapaces!

Participación no Concurso de Baile Tradicional da AX Xacarandaina

Fri, 27 Jun 2008 10:29:31 GMT

O domingo 6 de xullo celebrarase, coma tódolos anos por estas datas, o Concurso de Baile Tradicional da AX Xacarandaina no Palacio da Ópera da cidade da Coruña.

Este ano participará nel, na categoría C, a canteira do GBMT da AC Os Muíños de Oliveira, interpretando unha Muiñeira de Carelle.

Dende aquí mandámoslle ánimo ós nosos rapaces para que o fagan todo o mellor que saben.

O FIADEIRO: Galas de Verán

Fri, 06 Jun 2008 10:06:48 GMT

ROMARÍA DO LECER

Fri, 06 Jun 2008 10:00:42 GMT

Novo premio das Pandereteiras

Thu, 05 Jun 2008 12:06:38 GMT

O día 25 de Maio, celebrouse o I Concurso de Música Tradicional da A. C. Galanía na vila de Muros.

As Pandereteiras da AC Os Muíños de Oliveira participaron na categoría C, correspondente á media de idades máis alta, na que acadaron o 2º PREMIO.

Por cuestións de axenda polo momento non poderán presentarse a máis concursos de música tradicional, polo que vos animamos a vir ás actuacións do GMBT "Os Muíños de Oliveira" se vos apetece disfrutar un rato da nosa música e o noso baile.

Novas actuacións

Thu, 15 May 2008 18:12:08 GMT

Novas datas de actuacións do Grupo de Baile e Música Tradicional da AC Os Muíños de Oliveira:

O Grupo de Baile actuará o sábado 17 de maio en Ponteareas pola mañá, con motivo da celebración do Día das Letras Galegas.

O Grupo de Pandereteiras participará o domingo 25 de maio en Muros, no Concurso de Música Tradicional da Asociación Galanía.

O Grupo de Baile volverá actuar o sábado 7 de xuño en Pontesampaio, Pontevedra, pola tarde, con motivo da Festa dos Héroes; e o domingo 8 de xuño en Xinzo, Ponteareas, tamén pola tarde. O domingo 15 de xuño participarán no Festival Folclórico de San Xoan de Longos Vales, en Monçao, Portugal.

Novos resulados

Mon, 28 Apr 2008 14:56:05 GMT

Este domingo, día 27 de Abril, celebrouse o Concurso de Música Tradicional da A. X. Xacarandaina na cidade de A Coruña.

As Pandereteiras da A. C. "Os Muíños e Oliveira" participaron na categoría D, correspondente á media de idades máis alta, na que acadaron o 2º PREMIO.

A próxima cita será no Concurso organizado pola Asociación Galanía de Muros o 25 de maio.

III SERAN DO MAR DE RIANXO

Fri, 25 Apr 2008 10:38:04 GMT

Vai de Roda de Rianxo vai a celebrar o III Serán do Mar de Rianxo o día 10 de maio.

Iniciarase ás 21,30 no Campo de Arriba; como podedes ver no cartel anunciador, contan cun lugar privilexiado para celebralo; de estar mal tempo, teñen como alternativa o edificio da Cofradía de Pescadores, polo que a festa está asegurada!

Festa do folclore galego

Tue, 22 Apr 2008 13:41:35 GMT

O vindeiro sábado 26 ás 22h diante do Teatro Rosalía de Castro.

Xacarandaina colaborando co Concello e dentro do programa de ocio NOITE NOVA, ofrece clases de balde e representación do folclore do país.

Muiñeiras, xotas, maneos, pandeiretas, gaitas, tamboriles, bailadores e bailadoras, haberá de todo, e queremos que ti tamén participes con nós, trae a todos os teus amigos e desfruta mirando, pero tamén participando porque se queres che ensinaremos a bailar e a tocar a pandeireta e o mellor é que as clases son de balde e para toda a familia.

Pásao a todos os teus contactos, e achegadevos todos, porque será unha gran festa e unha boa oportunidade de achegarte ao teu folclore, ás túas raíces.

--
JAVIER HERVA
Director do Círculo de Actividades
A.X. Xacarandaina

Asociación Xuvenil XACARANDAINA
Rúa Historiador Vedía, 3 - soto 1º
15004 A Coruña

Tlf: 981 277 315 / Fax: 981 275 472
www.xacarandaina.com
info@xacarandaina.com

Horario de oficina:
Luns a venres, de 10:30 a 12:30 e de 18:00 a 21:30 h.
Sábados de 10:00 a 14:00 h.

TEATRO

Thu, 17 Apr 2008 11:53:57 GMT

Este domingo, día 20 de abril, o Grupo de Teatro do Centro Cultural de Xinzo representará unha PARODIA DE HUMOR.

A hora de comezo está prevista para as 18:00h.

Se queredes pasar un rato ameno pasaivos pola Casa Cultural da Asociación Os Muíños de Oliveira.

Un saúdo.

A blogmestra.

Novo éxito das nosas pandereteiras

Mon, 14 Apr 2008 00:29:00 GMT

Este domingo, día 13 de Abril, celebrouse o IX Concurso de Música Tradicional da A. X. Xiradela, como cada ano por estas datas, na cidade de Arteixo.

As Pandereteiras da A. C. "Os Muíños e Oliveira" participaron na categoría D, correspondente á media de idades máis alta, na que acadaron o 1º PREMIO.

A próxima cita será no Concurso de Música Tradicional da A. X. Xacarandaina, o vindeiro 27 de Abril.

Se queredes ver o vídeo da súa intervención en dito concurso, así como os de outras edicións, non tedes máis que entrar no seu espacio: http://pandereteiras-oliveira.spaces.live.com, ou pinchar no link do mesmo no noso apartado de "amigos".

IV FOLIADA DE MELIDE

Mon, 07 Apr 2008 16:48:58 GMT

27 DE ABRIL

PAZO DE CONGRESOS E EXPOSICIÓNS

O 27 de abril, último domingo do mes, terá lugar este encontro da música tradicional galega que contará nesta edición

cun importante incremento no número de stands expositores e de grupos participantes.

Este ano temos previsto a realización de obradoiros das profesións máis artesanais, coma a dos ferreiros, ademais de música, contacontos, conferencias e xogos tradicionais.

Próximamente informarémosvos da programación da IV Foliada

+info: www.agrupacioncastelo.com

III Foliada en Cerqueda (A. C. Raigañas)

Fri, 04 Apr 2008 12:36:07 GMT

Un ano máis a Asociación Cultural Raigañas convídavos a que compartades unha noite de Foliada. Non faltará música, comida, bebida, pero sobre todo moita alegría e ganas e pasalo ben. Haberá unha gran carpa con un palco e un bo equipo de son para que todo aquel que queira subir a tocar, cantar, bailar, regueifar, etc.. poida facelo sen máis. Acompañaranos o grupo de música tradicional "Media Ducia" así como as cantareira vellas de Cerqueda, as de Limiñoa , etc..

A cita é o próximo sábado 19 de abril á partir das 22.30 da noite nas Escolas de As Pozacas (no mesmo sitio que o ano pasado). Para os que vaian por primeira vez hai dúas opcións para chegar, ben dende a carretera de Buño Malpica collendo o desvío do Bar Asturiano ou ben dende a carretera de Buño -Ponteceso collendo o desvío para Cerqueda á altura da gasoliñeira de Pazos, de todas formas haberá carteis de sinalización e tamén podedes chamar ó 696 37 27 29 (Mar) para indicarvos como chegar ou calquer outra duda.

Se sabedes seguro que ides ir e ides subir ó escenario, agradecerían que llo comunicarades para poder organizar as actuacións.

Próximas actuacións

Thu, 03 Apr 2008 09:38:37 GMT

Para todos aqueles que queirades ver e escoitar de novo ó Grupo de Baile e Música Tradicional da AC Os Muíños de Oliveira tedes novas oportunidades de facelo:

O Grupo de Pandereteiras participará o domingo 13 de abril en Arteixo, no Concurso de Música Tradicional da AX Xiradela, pola tarde.

O Grupo de Baile actuará o sábado 26 de abril en Ribadetea, Ponteareas, pola mañá.

O Grupo de Pandereteiras participará o domingo 27 de abril en no Teatro Colón da Coruña, no Concurso de Música Tradicional da AX Xacarandaina, pola tarde.

Serán 2008. Xota cruzada.

Mon, 03 Mar 2008 11:53:40 GMT

O serán de "Os Muíños de Olivera" préstase a calquera cousa. Sobre todo se os nosos ensinantes atopan quen lles siga o "rollo".

CEA E FESTIVAL DE ENTROIDO

Sat, 02 Feb 2008 12:40:40 GMT

A Asociación Os Muíños de Oliveira organiza para o día 9 de febreiro (sábado) ás 21h unha cea de entroido no Centro Cultural. O menú será Lacón con grelos.

A cea estará amenizada pola actuación dunha charanga, e poderedes participar no Concurso de Disfraces; non hai límite de idade!

Todos aqueles que queiran anotarse deberán facelo antes do día 6 de febreiro nos seguintes números de teléfono:

986 640 794

986 661 863

986 661 818

Animádevos a participar!

SERÁN EN OLIVEIRA

Mon, 21 Jan 2008 00:10:16 GMT

O día 1 de MARZO (sábado), a partir das 21h dará comezo o serán que organiza a nosa asociación "Os Muíños de Oliveira".

Nel participarán, como tódolos anos, xente desta comarca e das colindantes.

Haberá pinchos e chocolate para todos os asistentes.

Un saúdo.

A bolgmestra.

Obradoiro de construcción de Palletas e Pallóns

Mon, 03 Dec 2007 13:18:28 GMT

Esta ponte o xoves 6, venres 7 e sábado 8 de decembro, a Asociación Cultural Retrouso (Bueu) vai celebrar un Obradoiro de construción de palletas e pallóns. O horario será de 4 a 7 da tarde e o custo é de 10 euros. Impartirao o artesán e gaiteiro do Hío Cristóbal Prieto.

Tedes toda a información no cartel adxunto e no blog http://www.blogoteca.com/retrouso

Serán en Couso

Tue, 27 Nov 2007 11:10:07 GMT

O sábado 1 de decembro, a partir das 20:30h, Serán en Couso (Gondomar).

X CONCURSO DE TARTAS CASEIRAS

Thu, 22 Nov 2007 10:55:18 GMT

A Asociación Cultural "Os Muíños de Oliveira" celebra, como cada novembro, o xa popular "Concurso de Tartas", que chega á súa X edición. Este ano terá lugar o domingo 25 de novembro ás 18:00h na sede da asociación en Santiago de Oliveira (Ponteareas).

Os premios otorgaranse segundo as seguintes categorías:

1º, 2º e 3º - Degustación

1º, 2º e 3º - Presentación

1º, 2º e 3º - Infantil

Nesta ocasión o Xurado estará formado por:

Pilar Alonso Suárez e Daniel González, da Escola de Hostalería "Harina Blanca" de Vigo

María José Viana González, directora da Escola de Hostalería "Emprendex" de Tui

Os premios foron doados polo Exc. Concello de Ponteareas e por distintas casas comercias da zona (para eles vai este agradecemento pola colaboración prestada).

Coma sempre, trala entrega de premios, o público asistente poderá probar as obras culinarias presentadas ó concurso.

A festa estará amenizada polo grupo de música e bailes "Os Muíños de OLiveira".

Esperámosvos para o veredicto máis importante: o voso.

Serán en Parderrubias

Mon, 15 Oct 2007 10:39:29 GMT

O Grupo de Pandereteiras "Xunco" está a organizar para o día 2 de Novembro o seu serán, que terá lugar no Centro Cultural de Parderrubias, no Concello de Salceda de Caselas a partir das 21:30h.

Todo aquel que teña ganas de festa está invitado a pasarse por alí a compartir un rato de bo ambiente e diversión. A cantar e bailar toda a noite!!

IV Encontro de Pandeireta Galego-Asturiana

Fri, 05 Oct 2007 14:17:37 GMT

Imos a polo cuarto!!!

Desta vez toca na Galiza, e escollemos como emprazamento a mesmísima montaña dos Ancares lugueses. Será o sábado 24 de Novembro no Albergue Campa da Braña, no Concello de Cervantes.

A dinámica será semellante á das outras tres edicións: cea-confraternización, concerto dun grupo de pandereteiras galegas e outro de "pandereteres asturianes". Logo, foliada (tamén de confraternización ;-D) ata altas horas da madrugada, e durmida opcional no propio albergue.

Está confirmada a participación de Filandón, alumnas de Juanjo Fernández e auténticas herdeiras da tradición de pandeira ancaresa.

Restan por confirmar os últimos detalles, pero garantimos uns prezos (incluíndo só cea, ou cea, durmida e almorzo) moi "populares".

O dito, reservade o 24 de Novembro nas vosas axendas, foliadeiros e foliadeiras do mundo!!!

Convoca: Xuntanza Galego-Astur "Transeu".

xuntanza_transeu@hotmail.com

3ª Ruada en Arteixo

Thu, 04 Oct 2007 22:55:48 GMT

A A.X. Xiradela celebra por terceiro ano consecutivo a 3ª Ruada o día 20 de Outubro a partires das 23:00h no paseo fluvial de Arteixo.

Alí nos agardan para compartir un rato de bo entretemento.

Festival Folk de Ventosela

Wed, 26 Sep 2007 10:55:11 GMT

O día 28 de setembro (venres) celébrase o Festival Folk de Ventosela, no Concello de Redondela.

A música correrá a cargo dos seguintes grupos:

"Os Amigos de Pazos" - Música tradicional
"Sobre rodas" - Dúo de zanfonas e voz
"Tabú" - Grupo Folk de Vigo

Homenaxe ó Gaiteiro

Thu, 13 Sep 2007 12:16:17 GMT

Dende a Buxaina dannos a coñecer o programa da Homenaxe ó Gaiteiro deste ano.

Como artistas invitados terán a:

Anacos de buxo

http://usuarios.lycos.es/anacosdebuxo/

Agrupación Folclórica Trompos os Pes

Quempallou

http://quempallou.dajul.com/

A presentación correrá a cargo de Pepo Suevos. O acto celebrarase no Teatro Sala de Concertos Caixanova o sábado 13 de outubro as 19:30h.

A entrada é totalmente de valde e poderanse recoller no Centro Cultural de Coruxo, outra opción é porse en contacto coa organización en a_buxaina@yahoo.es

Paxina Web de A Buxaina --> http://abuxaina.cogia.net

Exposición 25 anos de Xiradela

Wed, 12 Sep 2007 15:38:35 GMT

Dende hoxe e ata o vindeiro día 29 de setembro, permanecerá aberta, na Sala
de Exposicións do Centro Cívico e Cultural de Arteixo, a exposición
"Xiradela 25 anos". Este acto, que forma parte das celebracións do 25º
Aniversario, pretende ser un percorrido pola historia de Xiradela dende a
súa fundación até hoxe, a través de fotografías, vestiario, recortes de
prensa, trofeos, recordos,etc.

Os horarios nos que se poderá visitar a exposición serán os seguintes:

    * De luns a sábados:
          o Mañá: 10:00 a 13:30
          o Tarde: 16:30 a 20:00

Para máis información, consultade o blog:
http://xiradela.spaces.live.com

O Fiadeiro en Vilagarcía

Tue, 04 Sep 2007 10:08:31 GMT

O vindeiro sábado, 8 de setembro, ás 21.00h, o grupo artístico da A.C.F. O Fiadeiro, de Vigo, representará a súa "Gala de X Aniversario" no Auditorio de Vilagarcía.

O espectáculo resume os dez anos de presencia da agrupación viguesa nos escenarios, a través dun percorrido polas pezas que durante este tempo levaron a O Fiadeiro a constituirse como unha das entidades de referencia no baile e música tradicionais do país, pezas todas elas gañadoras de varios primeiros premios en diferentes concursos organizados en diferentes puntos de Galicia.

Baixo o título xenérico de "Esta noite hai unha fía", co cal se desenvolve o espectáculo que O Fiadeiro estrea cada dous anos, músicos e bailadores desenvolverán escenas elaboradas a partir do material recollido en traballos de campo realizados por toda a xeografía galega. Por esta razón a gala pode considerarse representativa da riqueza e variedade da expresión artística da nosa tradición, o cal se fai máis evidente ao tomar en consideración que cada peza é interpretada co traxe tradicional da zona na que foi recollida.

O evento terá unha duración aproximada de unha hora e corenta minutos, tempo durante o cal vinteoito bailadores, seis pandereteiras, seis pandereteiros e oito músicos farán aparición no escenario.

Novos seráns... Comeza a tempada

Tue, 04 Sep 2007 10:04:06 GMT

Sábado, 8 de setembro: Serán en Pazos de Borbén.

Sábado, 15 de setembro: Serán das Tarambainas, na AAVV de Lavadores, en Vigo.

Nova data

Thu, 30 Aug 2007 17:31:26 GMT

O Grupo de Baile da A.C. Os Muíños de Oliveira participará un ano máis no Festival do Condado que se celebrará o domingo 16 de setembro pola tarde no Concello de Ponteareas.

Non vos perdades esta nova oportunidade de velos enriba do escenario.

Próximas actuacións do GBMT Os Muíños de Oliveira

Fri, 20 Jul 2007 09:35:18 GMT

Para todos aqueles que queirades ver e escoitar de novo ó Grupo de Baile e Música Tradicional da AC Os Muíños de Oliveira tedes novas oportunidades de facelo:

O domingo 22 de xullo en Ribadelouro, Cerquido, ás 20:00h.

O sábado 11 de agosto en San Fins de Rebordáns, ás 21:00h.

O domingo 26 de agosto en Salvaterra de Miño, das 10:00h en diante, durante a celebración da Festa do Viño.

Demostración en Vivo de Cestería Tradicional na Fortaleza de San Sebastián

Wed, 27 Jun 2007 23:25:00 GMT

O Centro de Artesanía Tradicional do Concello de Vigo, realizará o PRÓXIMO VENRES, DÍA 29, unha demostración en vivo no interior da fortaleza de San Sebastián (detrás do Concello) cos seus alumnos de cestería tradicional.

Esta iniciativa é unha das actuacións do CAT de cara a dinamización do Casco Vello, e especialmente do seu barrio alto, unha das zonas máis descoñecidas da nosa cidade pero cun enorme potencial cultural e histórico.

A demostración realizarase entre as 10:00 e as 13:00 horas.

XIV Semana Cultural Abiñadoira

Mon, 25 Jun 2007 13:37:17 GMT

Cava do Millo Corvo

Sat, 16 Jun 2007 13:33:47 GMT

A Asociación Cultural Meiro realizará o vindeiro luns 18 de xuño, a partir das 8 da mañá, a cava do millo corvo, continuando co ciclo do millo corvo, iniciado en maio coa sementeira.

A cava é o primeiro labor que se realiza despois de sementado o gran. Con esta actividade elimínanse as malas herbas e se airea a terra, conseguindo un maior desenrolo das raíces e do milleiro.

A seguinte tarefa a desenvolver será a renda.

NOTA: O tratarse dunha actividade realizada ao aire libre, ésta farase sempre que a climatoloxía o permita.

Para máis información: 637 55 89 57 ou no mail: meirocorvo@gmail.com

Obradoiros de verán no CAT

Thu, 14 Jun 2007 12:30:47 GMT

O CAT, Centro de Artesanía Tradicional de Vigo, desenvolverá nos meses de
xullo e setembro as súas actividades estivais, con diferentes obradoiros
que acheguen a toda a cidadanía técnicas, materiais e obxectos da cestería
tradicional de Galicia.

A cestería tradicional leva unida á nosa cidade dende hai séculos co
traballo de moitos artesáns que, xeración tras xeración, foron pasando o
seu saber dunhas mans a outras, creando obxectos que formaron parte da
nosa vida diaria ata os anos 60 do século pasado. Os obradoiros da rúa
Cesteiros, no Casco Vello, son o mellor exemplo da relevancia que tivo
este oficio en Vigo, que a converteron nun dos centros de produción máis
activos de Galicia.

O prazo de inscrición remata o 27 de xuño. Toda a info en
www.vigo.org/artesania

INFORMACIÓN XERAL

Obradoiros:
CESTERÍA DE XUNCOS: COROZAS / 35 h
COAS MANS NOS CESTOS. Obradoiro de cestería tradicional de Galicia / 40 h
MADEIRAS DE CESTEAR. Introdución aos materiais empregábeis en cestería. 20 h
IMOS FACER UN CESTO. Obradoiro de verán para neno/as /35 h

Onde se impartirán:
No CAT Centro de Artesanía Tradicional. Rúa Subida ao Castelo, 10 VIGO

Como apuntarse:
Enviando o boletín de inscrición ao CAT Rúa Subida ao Castelo 10 36202
VIGO, por fax ao número 986 224 003 ou a través da WEB
www.vigo.org/artesania.

O prazo de inscrición remata o día 27 de xuño de 2007. Os cursos son
gratuítos polo que se establecerá unha rigorosa orde de entrada das
solicitudes.

Selección do alumnado:
Para o curso de corozas, o CAT fará unha previa selección, polo que os
interesados deberán enviar o seu curriculo.

Listado de admitidos:
A lista de admitidos será exposta no CAT e na WEB www.vigo.org/artesania o
día 28 de xuño de 2007.

Se necesitades o boletín podedes solicitalo tamén ó email da nosa asociación: osmuinhosdeoliveira@hotmail.com

Máis datas...

Fri, 08 Jun 2007 23:54:25 GMT

Sábado 9 xuño: Serán en Pontesampaio (Pontevedra)
Sábado 16 xuño: Serán na zona vella de Ourense (Praza Coronel Ceano) ás 20:00
Sábado 30 xuño: Fin de curso e Serán de O Fiadeiro na A.V.V. Cabral-Santa Mariña (Vigo) ás 20:00
Sábado 7 xullo: Serán en Amorín (Tomiño)

O Fiadeiro en Rois

Fri, 08 Jun 2007 23:45:42 GMT

O vindeiro sábado, 9 de xuño, ás 21.30, o grupo artístico da A.C.F. O Fiadeiro, de Vigo, representará a súa "Gala de X Aniversario" no Concello de Rois. O espectáculo resume os dez anos de presencia da agrupación viguesa nos escenarios, a través dun percorrido polas pezas que durante este tempo levaron a O Fiadeiro a constituirse como unha das entidades de referencia no baile e música tradicionais do país, pezas todas elas gañadoras de varios primeiros premios en diferentes concursos organizados en diferentes puntos de Galicia.

O evento, que conta co patrocinio da S.A. de Xestión do Plan Xacobeo, dará inicio ás dez da noite e terá unha duración aproximada de unha hora e corenta minutos, tempo durante o cal vinteoito bailadores, sete pandereteiras, cinco pandereteiros e oito músicos farán aparición no escenario.

VI Romaría do Lecer

Wed, 06 Jun 2007 10:28:37 GMT

A A. X. Xacarandaina organiza para o fin de semana do 16 e 17 de Xuño a que será a VI Romaría do Lecer.

Terá lugar no Paseo das Pontes, na cidade da Coruña.

Comezará o sábado 16, ás 21:00h, cunha Foliada na que animan a todo o mundo a participar.

O domingo 17, dende as 11:00h, haberá xogos infantís, campionato de tute, obradoiros, etc.

Se vos apetece un fin de semana de festa e entretemento non dubidedes en achegarvos á Coruña.

Actuación das Pandereteiras na Festa do Muíño

Tue, 29 May 2007 00:02:45 GMT

Cada ano, a mediados de xuño, celébrase a Festa do Muíño no Concello de Arbo.

A xente vai comer e facer festa á veira dun pequeno río onde hai algúns anos se restauraron os muíños que había no lugar.

Nesta ocasión participarán tamén as Pandereteiras de Os Muíños de Oliveira, ademáis dun grupo de gaitas, entre as 12:00h e as 17:00h.

O vindeiro 17 de Xuño, na Festa dos Muíños de Arbo tedes unha nova oportunidade para escoitar ás nosas pandereteiras.

VIII Concurso Internacional Folk "Cuartu los Valles"

Wed, 23 May 2007 23:37:50 GMT

27 e 28 de Xullo en Navelgas , ( Tinéo –Asturias – España )

PARTICIPANTES :

Grupos de tres ou máis compoñentes

ANTES DO 5 DE XUÑO

Enviádenos o voso disco ou maqueta con 5 temas (se é cd editado especificar cales son os 5 temas a valorar), xunto a un pequeno dossier informativo no cal se aportarán os contactos telefónicos, mails e postais do grupo a :

VIII Concurso Internacional de Folk “Cuartu los Val.les”

Casa de la Cultura – 33873 – Navelgas – Tinéo – Principado de Asturias. España.

O 25 DE XUÑO

Comunicarase a través de prensa , radio e personalmente ós 5 grupos seleccionados polo xurado e que deberán confirmar a súa asistencia antes do 31 de Xuño, mediante contrato firmado.

PREMIOS

-Primeiro clasificado 1.500 euros e trofeo creado polo artista Manuel García Linares e emisión do seu concierto en Radio 3.

-Os demáis finalistas levarán un premio de 1.000 euros.

-Os cinco grupos formarán parte do VIII disco recopilatorio e promocional do concurso.

-Todos os grupos contarán con dietas de aloxamento completas.

XURADO

Presidente Honorífico D. Iñaki Peña (Programa “Trébede” de Radio 3)
Presidente do Xurado:D. Mario Correia (Edicións Sons da Terra /Portugal)

D. Salvador Cored (Festival Iberia Folk /Huesca)

D. Pedro Melguizo (Festival Etnosur /Jaén)

D. Jordi Bertrán (Programador do concello de Tarragona )

D. Juan Pablo Marco (Festival Poborina-Folk / Teruel)

D. Paco Quevedo (Festival de Castañeda /Cantabria)

D. Jesús Barroso (Canal Sur /Andalucía)

Para maior información chamar a:

670 82 38 12 (Raúl Menéndez)

625 33 00 71 (César Castaño)

25 Aniversario do día da Muiñeira na Coruña

Tue, 22 May 2007 12:58:48 GMT

Celébrase con carácter de exhibición, non de concurso.
Poderán participar nel os grupos de Asociacións Culturais e Recreativas, Centros de ensino, Asociacións Folclóricas, Centros Parroquiais, Asociación de Veciños, Asociacións Xuvenís, Centros Sociais, etc, de toda Galicia, sendo requisito indispensable enviar debidamente cuberta a folla de inscrición adxunta: - ó local social na rúa Historiador Vedía, 3-soto 1º na Coruña - ó número de fax 981 275472 - por correo electrónico á dirección info@xacarandaina.com.
Poden participar grupos mixtos, femininos ou masculinos, sexan infantís, xuvenís ou de adultos, e non é obrigatorio o uso do traxe tradicional.
Cada grupo estará formado, como nínimo, por oito persoas, que bailarán todas xuntas, non por parellas ailladas, no lugar que se lles asigne, partindo da colocación inicial de dúas filas, e rematando na mesma posición.
Tódolos grupos inscritos bailarán ó mesmo tempo, ainda que en grupos eseparados, tres muiñeiras formadas por 5 voltas e 4 puntos, con breves descansos entre elas.
O prazo de admisión de inscripcións rematará o día 28 de Maio.
O 25 Aniversario do Día da Muiñeira terá lugar o domingo día 3 de Xuño, comenzando cun pequeño pasarrúas dende a praza de María Pita ata os Xardíns de Méndez Núñez, onde terá lugar a exhibición ás 18:00h.
Ó finalizar o acto procederase á entrega dun recordo a cada asociación.

A Asociación Xuvenil Xacarandaina aclarará con pracer calquera dúbida sobre esta convocatoria

- no local social de luns a venres de 10:30 a 12:00 e de 18:00 a 21:00

- no teléfono 981 277 315 no mesmo horario

- por correo electrónico: info@xacarandaina.com

Novo éxito das Pandereteiras

Mon, 21 May 2007 12:36:31 GMT

As pandereteiras da AC Os Muíños de Oliveira veñen de gañar o 1º Premio da súa categoría no Concurso de Música Tradicional da A. X. Xiradela, celebrado o 20 de Maio deste 2007 na cidade da Coruña.

Dende a asociación a nosa máis sinceira noraboa.

Serán no Carballal

Tue, 15 May 2007 13:57:48 GMT

O vindeiro 26 de maio todos os amantes da nosa cultura teñen unha nova cita para disfrutar da festa no Colexio Público do Carballal, en Cabral.

Ides deixala bailar soa?