A. C. Os Muíños de Oliveira: Actividades da Asociación

TEATRO

Thu, 17 Apr 2008 11:53:57 GMT

Este domingo, día 20 de abril, o Grupo de Teatro do Centro Cultural de Xinzo representará unha PARODIA DE HUMOR.

A hora de comezo está prevista para as 18:00h.

Se queredes pasar un rato ameno pasaivos pola Casa Cultural da Asociación Os Muíños de Oliveira.

Un saúdo.

A blogmestra.

Serán 2008. Xota cruzada.

Mon, 03 Mar 2008 11:53:40 GMT

O serán de "Os Muíños de Olivera" préstase a calquera cousa. Sobre todo se os nosos ensinantes atopan quen lles siga o "rollo".

CEA E FESTIVAL DE ENTROIDO

Sat, 02 Feb 2008 12:40:40 GMT

A Asociación Os Muíños de Oliveira organiza para o día 9 de febreiro (sábado) ás 21h unha cea de entroido no Centro Cultural. O menú será Lacón con grelos.

A cea estará amenizada pola actuación dunha charanga, e poderedes participar no Concurso de Disfraces; non hai límite de idade!

Todos aqueles que queiran anotarse deberán facelo antes do día 6 de febreiro nos seguintes números de teléfono:

986 640 794

986 661 863

986 661 818

Animádevos a participar!

SERÁN EN OLIVEIRA

Mon, 21 Jan 2008 00:10:16 GMT

O día 1 de MARZO (sábado), a partir das 21h dará comezo o serán que organiza a nosa asociación "Os Muíños de Oliveira".

Nel participarán, como tódolos anos, xente desta comarca e das colindantes.

Haberá pinchos e chocolate para todos os asistentes.

Un saúdo.

A bolgmestra.

X CONCURSO DE TARTAS CASEIRAS

Thu, 22 Nov 2007 10:55:18 GMT

A Asociación Cultural "Os Muíños de Oliveira" celebra, como cada novembro, o xa popular "Concurso de Tartas", que chega á súa X edición. Este ano terá lugar o domingo 25 de novembro ás 18:00h na sede da asociación en Santiago de Oliveira (Ponteareas).

Os premios otorgaranse segundo as seguintes categorías:

1º, 2º e 3º - Degustación

1º, 2º e 3º - Presentación

1º, 2º e 3º - Infantil

Nesta ocasión o Xurado estará formado por:

Pilar Alonso Suárez e Daniel González, da Escola de Hostalería "Harina Blanca" de Vigo

María José Viana González, directora da Escola de Hostalería "Emprendex" de Tui

Os premios foron doados polo Exc. Concello de Ponteareas e por distintas casas comercias da zona (para eles vai este agradecemento pola colaboración prestada).

Coma sempre, trala entrega de premios, o público asistente poderá probar as obras culinarias presentadas ó concurso.

A festa estará amenizada polo grupo de música e bailes "Os Muíños de OLiveira".

Esperámosvos para o veredicto máis importante: o voso.

Festival Folclórico

Tue, 15 May 2007 13:51:15 GMT

Este sábado, día 19 de maio, ás 18:00h, terá lugar no Centro Cultural Os Muíños de Oliveira un Festival Folclórico con motivo da celebración do día das Letras Galegas.

O Festival contará coa presencia dos grupos:

"Peña Xuntanza", da AAVV Camiño V. de Coia.
AC "Balcón de Val Miñor" de Morgadáns.
Grupo de Baile e Música Tradicional da AC "Os Muíños de Oliveira".

Esperamos vervos alí.

Teatro no Centro Cultural Os Muíños de Oliveira

Mon, 16 Apr 2007 15:15:28 GMT

O domingo 29 de abril, ás 18:30h, actuará no Centro Cultural da A. C. Os Muíños de Oliveira o Grupo de Teatro "MIGALLAS" de Ourense.

Representarán a comedia infantil "E se o contamos?".

Todos aqueles que queirades pasar un rato entrañable non dubidedes en pasarvos polo noso local.

Un saúdo.

A blogmestra.

SERÁN EN OLIVEIRA

Mon, 19 Feb 2007 16:03:26 GMT

O día 3 de MARZO (sábado), a partir das 21h dará comezo o serán que organiza a nosa asociación "Os Muíños de Oliveira".

Nel participarán, como tódolos anos, xente desta comarca e das colindantes.

Haberá pinchos e chocolate para todos os asistentes.

Non podedes perdérvolo.

Un saúdo.

A bolgmestra.

FESTIVAL DE ENTROIDO 2007

Tue, 23 Jan 2007 10:06:49 GMT

Non esquezades que o 24 de Febreiro ás 21:00h celebrarase a Cea de Entroido no Centro Cultural da Asociación "Os Muíños de Oliveira".

O menú é o de tódolos anos por estas datas: lacón con grelos. A data límite para anotarse é o día 20 do mesmo mes chamando a Chelo ou Álvaro (atoparede-los teléfonos no apartado "contacta con nós):

A cea irá seguida do Festival no que actuarán Os Mondricos de Mondariz, e que rematará coa entrega de premios do Concurso de Disfraces.

Se queredes un pouco de diversión en boa compañía non dubidedes en pasarvos.

Un saúdo. A blogmestra.

Próximas actividades

Mon, 15 Jan 2007 10:47:06 GMT

Como tódalas Asociacións Culturais, "Os Muíños de Oliveira" abrangue todo tipo de actividades e actos.

O vindeiro 21 de Xaneiro ofrecerá para os membros do grupo de música e baile a súa, xa tradicional, comida anual.

A partir das 17:00h comezará a actuación do Grupo de Playbacks de San Fins de Rebordáns (Tui), aberto ó público.

O 24 de Febreiro ás 21:00h celebrarase a Cea de Entroido. O menú é o de tódolos anos por estas datas: lacón con grelos (Os que queiran ir alimentarse ben deberán anotarse antes do día 20 do mesmo mes, chamando a Chelo ou Álvaro).

A cea irá seguida do Festival no que actuarán Os Mondricos, e que rematará coa entrega de premios do Concurso de Disfraces.

Se queredes un pouco de diversión non dubidedes en pasarvos.

Un saúdo. A blogmestra.

FESTIVAL DE NADAL

Mon, 04 Dec 2006 15:21:00 GMT

A A.C. Os Muíños de Oliveira celebrará o seu Festival de Nadal, que comezará ás 19:00h, o sábado día 30 de decembro.

Todo aquel que se achegue á casa cultural da asociación poderá disfrutar da actuación das "Cantareiras", que interpretarán cantos de reis; dun Belén real, de xogos, etc. Ademáis haberá pequenas representacións teatrais, números musicais e moito máis.

Un saúdo.

A blogmestra.

CONCURSO DE TARTAS da A. C. Os Muíños de Oliveira

Mon, 13 Nov 2006 13:30:35 GMT

A Asociación Cultural "Os Muíños de Oliveira" celebra, como cada novembro, unha nova edición do "Concurso de Tartas". Este ano terá lugar o domingo 26 de novembro ás 18:00h na sede da asociación en Santiago de Oliveira (Ponteareas).

Os premios otorgaranse segundo as seguintes categorías:

Presentación e Degustación / Infantil e Adultos

Nesta ocasión o Xurado estará formado por un dos mestres da Escola de Hostalería "Harina Blanca" de Vigo, e pola directora da Escola de Hostalería "Emprendex" de Tui, Mª José Viana González.

Os premios foron doados polo Exc. Concello de Ponteareas e por distintas casas comercias da zona (para eles vai este agradecemento pola colaboración prestada).

Coma sempre, trala entrega de premios, o público asistente poderá probar as obras culinarias presentadas ó concurso.

A festa estará amenizada polo grupo de música e bailes "Os Muíños de OLiveira".

¡Estades todos convidados a enchervos de calorías!

MAGOSTO 2006

Wed, 25 Oct 2006 23:17:55 GMT

Este domingo, día 29 de outubro, a A.C. Os Muíños de Oliveira celebrará como cada ano un magosto na súa sede. Dará comezo ás 18:00h e estará amenizado de maneira informal polos grupos de música da asociación.

Todo aquel que queira pasar un bo rato pode acercarse a disfrutar da festa.

Ademáis disto, tamén está posta a data para o Concurso de Tartas deste ano, que se celebrará o domingo 26 de novembro. Ide preparando as vosas receitas porque en breve publicaremos máis detalles desta xa famosa cita.

Un saúdo. A blogmestra.

Excursión Os Muíños

Mon, 24 Jul 2006 13:25:07 GMT

Como tódolos anos, a directiva da A. C. Os Muíños organizou unha excursión para todos os membros do grupo de música e baile.

O destino é unha das praias da Illa de Arousa.

Aínda que nas fotos non saen todos os que son, pódovos asegurar que o desfrutamos.

Festival da A.C. Os Muíños de Oliveira

Mon, 19 Jun 2006 10:53:16 GMT

Este pasado sábado celebrouse ás 20:00h o festival folkórico no local da ascociación do que xa vos informaramos.

En breve poderedes ver algunhas das fotos dese día.

Festival Folclórico de Xuño

Mon, 15 May 2006 22:13:05 GMT

O sábado día 17 de xuño terá lugar, no Centro Cultural da nosa Asociación, un novo encontro folclórico no que, ademiás do grupo de baile Os Muíños de Oliveira, participarán dous grupos máis, que intervirán como invitados.

O primeiro dos grupos é A Ponte Vella, que virán desde Reis (Concello de Teo - A Coruña) a mostrarnos un anaco do seu bo facer no escenario, do que veñen dando conta nos concursos de baile nos que participan dende hai varios anos, acadando diversos premios.

O outro grupo participante é Veira do Río de Pontesampaio (Concello de Pontevedra) que, despois de moitos anos adicados ó folclore coreográfico, comezan a achegarse a unha vertente máis tradicionalista. Unha nova faceta para un grupo de xente nova.

O festival comezará arredor das 20:30 h. O Centro Cultural de Os Muíños de Oliveira terá as portas abertas para todo aquel ó que lle apeteza desfrutar dun rato agradable ó son da nosa música.

ENTROIDO 2006

Sun, 12 Feb 2006 23:38:59 GMT

O día 4 de marzo, ás 21:00 horas, celebrarase na Casa Cultural unha cea con motivo do entroido deste ano. Haberá lacón con grelos para todo aquel que se apunte antes do día 1 do mesmo mes. Poderedes facelo chamando ó seguinte número de teléfono: 986661863 á atención de Chelo ou Álvaro.

Despois da cea dará comezo o FESTIVAL DE ENTROIDO. A festa estará amenizada pola xa famosa murga "Os Mondricos" de Mondariz, especialistas no escarnio da comarca.

Durante o festival terá lugar un CONCURSO DE DISFRACES no que poderá participar todo o mundo.

Se queredes un pouco de diversión para ese día non dubidedes en vir.