A. C. Os Muíños de Oliveira: Actuación dos grupos da Asociación

Participación no Concurso de Baile Tradicional da AX Xacarandaina

Fri, 27 Jun 2008 10:29:31 GMT

O domingo 6 de xullo celebrarase, coma tódolos anos por estas datas, o Concurso de Baile Tradicional da AX Xacarandaina no Palacio da Ópera da cidade da Coruña.

Este ano participará nel, na categoría C, a canteira do GBMT da AC Os Muíños de Oliveira, interpretando unha Muiñeira de Carelle.

Dende aquí mandámoslle ánimo ós nosos rapaces para que o fagan todo o mellor que saben.

Novas actuacións

Thu, 15 May 2008 18:12:08 GMT

Novas datas de actuacións do Grupo de Baile e Música Tradicional da AC Os Muíños de Oliveira:

O Grupo de Baile actuará o sábado 17 de maio en Ponteareas pola mañá, con motivo da celebración do Día das Letras Galegas.

O Grupo de Pandereteiras participará o domingo 25 de maio en Muros, no Concurso de Música Tradicional da Asociación Galanía.

O Grupo de Baile volverá actuar o sábado 7 de xuño en Pontesampaio, Pontevedra, pola tarde, con motivo da Festa dos Héroes; e o domingo 8 de xuño en Xinzo, Ponteareas, tamén pola tarde. O domingo 15 de xuño participarán no Festival Folclórico de San Xoan de Longos Vales, en Monçao, Portugal.

Próximas actuacións

Thu, 03 Apr 2008 09:38:37 GMT

Para todos aqueles que queirades ver e escoitar de novo ó Grupo de Baile e Música Tradicional da AC Os Muíños de Oliveira tedes novas oportunidades de facelo:

O Grupo de Pandereteiras participará o domingo 13 de abril en Arteixo, no Concurso de Música Tradicional da AX Xiradela, pola tarde.

O Grupo de Baile actuará o sábado 26 de abril en Ribadetea, Ponteareas, pola mañá.

O Grupo de Pandereteiras participará o domingo 27 de abril en no Teatro Colón da Coruña, no Concurso de Música Tradicional da AX Xacarandaina, pola tarde.

Nova data

Thu, 30 Aug 2007 17:31:26 GMT

O Grupo de Baile da A.C. Os Muíños de Oliveira participará un ano máis no Festival do Condado que se celebrará o domingo 16 de setembro pola tarde no Concello de Ponteareas.

Non vos perdades esta nova oportunidade de velos enriba do escenario.

Próximas actuacións do GBMT Os Muíños de Oliveira

Fri, 20 Jul 2007 09:35:18 GMT

Para todos aqueles que queirades ver e escoitar de novo ó Grupo de Baile e Música Tradicional da AC Os Muíños de Oliveira tedes novas oportunidades de facelo:

O domingo 22 de xullo en Ribadelouro, Cerquido, ás 20:00h.

O sábado 11 de agosto en San Fins de Rebordáns, ás 21:00h.

O domingo 26 de agosto en Salvaterra de Miño, das 10:00h en diante, durante a celebración da Festa do Viño.

Actuación das Pandereteiras na Festa do Muíño

Tue, 29 May 2007 00:02:45 GMT

Cada ano, a mediados de xuño, celébrase a Festa do Muíño no Concello de Arbo.

A xente vai comer e facer festa á veira dun pequeno río onde hai algúns anos se restauraron os muíños que había no lugar.

Nesta ocasión participarán tamén as Pandereteiras de Os Muíños de Oliveira, ademáis dun grupo de gaitas, entre as 12:00h e as 17:00h.

O vindeiro 17 de Xuño, na Festa dos Muíños de Arbo tedes unha nova oportunidade para escoitar ás nosas pandereteiras.

Concerto en Salceda

Fri, 17 Nov 2006 15:04:20 GMT

As pandereteiras da A.C. Os Muíños de Oliveira actuarán mañá sábado, día 18 de novembro, na sede da A.C. Castro Barreiro en Salceda de Caselas. O concerto comezará ás 21:30h e nel interpretarán pezas de toda a xeografía galega acompañadas de todo tipo de instrumentos de percusión de todo tipo.

Se tedes ganas de disfrutar durante un rato da nosa tradición non dubidedes en pasar por alí.

Festival Folclórico do Condado

Wed, 13 Sep 2006 08:33:38 GMT

O pasado día 10 tivo lugar o Festival de Pandereteiras en Ponteareas, e este domingo, día 17 de setembro, tócalle o turno ó Festival Folklórico do Condado.

Comezará arredor das 17:30h, cun pasarrúas dende o Concello polas rúas máis céntricas da vila e rematará na Praza de Bugallal (popularmente coñecida como praza da Igrexa), onde os nove grupos participantes mostrarán o seu bo facer nos seus 10 min de intervención.

No caso de que o tempo non acompañe as actuacións terán lugar no Auditorio Reveriano Soutullo (entrada de valde).

Xa sabedes que neste festival tamén participará o G.B. "Os Muíños de Oliveira".

Próximas actuacións

Thu, 24 Aug 2006 10:48:37 GMT

Estas son as novas citas nas que poderedes disfrutar do facer dos grupos da A.C. Os Muíños de Oliveira:

Domingo, 27 de agosto: o grupo de baile participará tamén este ano na Festa do Viño de Salvaterra de Miño. O acto comezará cun desfile arredor das 10:30 da mañá e continuará coas actuacións dos grupos no recinto da muralla.

Domingo, 10 de setembro: o grupo de pandereteiras participará no Festival que organiza o concello de Ponteareas con motivo das festas patronais. Será pola tarde e a hora está por concretar.

Domingo, 17 de setembro: o grupo de baile participará no xa coñecido Festival Folclórico do Condado, que tamén organiza o concello de Ponteareas. A hora tamén está por concertar neste caso.

Sábado, 18 de novembro: o grupo de pandereteiras fará unha actuación no concello de Salceda de Caselas. A hora e o lugar aínda están por confirmar.

Nada máis polo momento.

Saúdos da blogmaster.

Actuación en San Xoán Poulo

Mon, 26 Jun 2006 13:56:44 GMT

A AA.VV. AGARIMO de San Xoán Poulo organizou para a tardiña do día do seu patrón (24 de xuño) un campionato de cachibol (voleivol agarrado) e unha sardiñada.

Tra-la finalización dos partidos a festa foi amenizada polo grupo de música e baile da A.C. Os Muíños de Oliveira.

Próximas Actuacións

Tue, 13 Jun 2006 10:07:21 GMT

Ademáis do Festival do próximo día 17 de xuño e o Concurso do día 18 no que participarán as pandereteiras, súmase unha data máis ó calendario de actuacións.

A seguinte cita será o día 24 de Xuño, no que o G. B. Os Muiños de Oliveira actuará no centro cultural de San Xoan Poulo, sito na R/ Cantabria en Vigo.

A actuación terá lugar pola tarde. Máis adiante informaremos da hora concreta.

Un saúdo.

AXENDA

Mon, 08 May 2006 12:44:56 GMT

As datas das próximas actuacións do grupo de música e baile da asociación "Os Muíños de Oliveira" son as seguintes:

O 28 de maio, pola mañá, o grupo de música e baile actuará en Tortoreos, concello de As Neves.

O 28 de maio, pola tarde, o grupo de pandereteiras participará no Concurso de Música tradicional da A. X. Xacarandaina, en A Coruña.

O 11 de xuño, pola tarde, o grupo de música e baile actuará en Santo Tirso, Portugal.

Seguiremos informándovos.

Próximas actuacións

Tue, 18 Apr 2006 07:51:12 GMT

As próximas actuacións da asociación correrán a cargo das pandereteiras.

O día 30 de abril actuarán durante a deliberación do xurado do concurso de música organizado por elas mesmas.

E o día 6 de maio na Festa do Muíño de Cangas do Morrazo, ás 10 da noite farán un concerto folk no que tamén actuarán as pandereteiras.

Seguiremos informando de novas datas.